Hêlîna me Kita Pîya Wedding dest bi perwerdehiya sala nû kir. Hêlîna ev çar sal e bi awayekî çalak perwerdehî dide 25 zarokên 3 salî heta 6 salî. Bi saya xebat û çalakiyên rengîn û dewlemend, zarokên kurd û nekurd bi duzimanî mezin dibin bi zimanên kurdî û almanî.
Serdema perwerdehiya îsal serê meha Tebaxê bi zarokan re dest pê kiribû. 29ê Tebaxê jî, bi tevlîbûna malbatan, me ji serdema nû re got “Rojbaş!”. Di civînê de, malbatên me yên zarokên wan îsal dest bi hêlînê kirin, bi malbatên din re hev dû nas kirin. Konsept û naveroka perwerdehiya hêlîna me bi malbatan re hat parvekirin. Her wiha rêbaz û qaîdeyên hêlînê jî bi malbatan re hatin nîqaşkirin. Di encamê de jî nameyek derbarê serdama nû de bi malbatan re hat parvekirin.
Em careke din dibêjin “Ser Xêrê Be, Pîroz û Bimbarek Be Serdema Nû!”
