Kita Pîya

Kita Pîya projeyeke hêlîn û pêşdibistanê ya Yekmalê ye ku xizmeta perwerdehiyê dide zarokên 6 mehî heta 6 salî bi kurdî û almanî. Niha du heb Kita Pîya xizmetê didin, yek li Weddingê ye, ya din jî li Kreuzbergê ye. Lê belê di nav bernameya Yekmalê de ye ku hejmara wan zêde bike li taxên din ên Berlînê yên ku civaka kurd zêdetir lê cih bûye.

Armanc

Bi vê projeya hêlîn û pêşdibistanên duzimanî, bi kurdî û almanî, Yekmal berî her tiştê ji xwe re dike armanc ku zarokên kurd zimanê xwe yê dayikê, kurdî, û çanda kurdan di heman demê de hîn bibin li gel zimanê almanî û çanda jiyana li Almanyayê. Duyemîn armanc ew e ku zarok fêrî rê û rêbazên jiyana rojane bibin û amade bin ji bo jiyana li derveyî malê. Armanca sêyemîn amadekirina bingehek xurt a hînbûna akademîk e ji bo zarokan ku jiyana xwe ya perwerdehiyê li ser vê bingehê saz bikin. Ev proje, her wiha, dixwaze piştgiriya malbatan, taybetî dayikan, bike ku bi dileke rihet zarokên xwe bihêlin wexta diçin kar.

Hûn dikarin zêdetir agahiyan derbarê Kita Pîya de li ser malpera www.kitapiya.yekmal.de peyda bikin.

Kita Pîya Kreuzberg
Bi tevahî 45 zarokên ji 1 salî heta destpêka dibistanê tên lênihêrîn û perwerdekirin li hêlîna me ya bi navê Pîya. Tevî bernameya perwerdehiyê ya Berlînê, xebata me ya pedegojî […]
Kita Pîya Wedding
Kita Pîya Wedding hêlîneke duzimanî ye ku ji salan 2014’an û vir ve xebatên xwe yên pedagojî û takekesî bi almanî û kurdî pêşkêş dike. Hêlîna me ji du qatan […]

Kita Pîya

Kita Pîya Kreuzberg

Kita Pîya Wedding