Îsal me di çarçoveya projeya “STAP vorwärts” de şêwazek nû da destpêkirin: Çembera Hêzdarkirinê.
Armanca hevdîtinên mehane yên dêûbavan û zarokên wan li Navenda Malbatan a Rengînê ew e ku ji bo dêûbavên Kurd û zarokên wan platformeke dostane ku cihêrengiya zimanî û çandî bi pêş bixe, ava bibe. Armanca platformê ew e ku dêûbavan di qada perwerdehî û pêşveçûna pirzimanî ya zarokên xwe de bîne cem hev. Ev hevdîtin bi mebesta vê yekê ye, dê û bavên Kurd derfetê bidin hev da ku fikrên xwe pevbiguherînin, torbendî çê bikin û ji hevdu fêr bibin ji bo pêşvebirina xwe.
Herweha xemeke sereke jî pêşxistina stratejiyên hevpar e ji bo zêdekirin û xurtkirina hebûn û bandora dê û bavên Kurd li zaroxane û dibistanan.
Dema ku dêûbav di hawîrdoreke pêşwazî û piştgiriyê de tevdigerin, zarok xwedî derfet in ku bi hev re bilîzin, afirîner bin û bi zimanê malbata xwe biaxivin.
