Panel: Rol û Berpirsiyariyên Hêzên Komeleyên Civakî di Têkoşîna Dijî Cudageriyê de li Jiyana Berlinê

Em bi kêfxweşî we dawet dikin panela xwe ya online li 3’yê meha Mijdarê (03.11.2020). Mijara panelê li ser nêrin û raman û her wiha pratîkên cudageriyê di jiyana rojane de li bajarê Berlinê ye.

 

Berlin li seranserê Ewrupayê yek ji rengîntirîn bajaran e ji aliyê pirdengî û cudahiyan. Ev bajar gelek ziman, çand û nasnameyan di nav xwe de dihewîne. Lê belê hemû kes û civak nikarin bi heman şert û mercan ji pirrengiya vê bajarê sûdê wergirin. Her çiqas gelek pengavên kêrhatî yên dewletî û proje û xebatên serkeftî yên saziyên civakî hebin jî, hêj jî gelek kes di jiyana xwe ya rojane de rastî pratîkên cudageriyê dibin. Piranî dibistan, ser rê, kargeh û seyareyên hatûçoyê dibin cihên ku herî zêde cudagerî pêk tên. Sedem û bingehên cudageriyê dibe ku ji ber zayend, bikaranîna ziman, paşxaneya koçberiyê an jî temenê kesekê bin û her kes dikare carna rastî cudageriyê bibe. Lewma gelek girîng û hewce ye ku xebatên hişyariyê û pengavên dijî cudageriyê werin xurtkirin û piştgirîkirin her kengî derfet çêbe.

 

Bi vê bingehê, em dixwazin panelekê li dar bixin ji bo ku em rewşa heyî ya cudageriyê û pengavên dijî cudageriyê li Berlinê nîqaş bikin û derfetên hevkariyên karîgertir li hemberî cudageriyê bigerin. Her wiha, di panelê de em ê hinek encamên eleqedar ên lekolîna xwe ya derbarê jiyana rojane ya civaka kurd li Berlinê jî pêşkêş bikin. Di panelê de, ew ê çar pêşkêşvan cih

bigirin û tevî pêşkêşvanan û tîma Yekmalê, ew ê bi giştî qasî 25 mêhvan hebin. Lê belê, ew ê gelek kes bikarin panelê ser înternetê jî bişopînin.

 

Pêşkêşvan:

Moderator: Merih Ergün, Yekmal e. V.

 

 

Ji kerema xwe ji bo beşdariya online li ser vê lînkê qeyda xwe çêkin:

 

Lînk: https://forms.gle/1vphDpdrd4PHFg2c8

 

Piştî qeydê, em ê di demek nêz de ji we re e-mailekê bişînin bi lînkekê ji bo beşdariya online.