Halêndê ma wo diyin, Kita Pîya Kreuzbergî, amedekarîyanên dergan ra dime roja 21. Payîza pêyêne çêverê xo bi qeydeyêde fermî seba doman û malbatan kerd ra.
Rayeraberdox verpersîyarê Senatoya Berlînî, nunerên Beledîyeya Kreuzbergî, nunerê komelanên sîvîlan û partîyanên sîyasîyan, parlementerî û gelê malbatên Kurdan teba domananên xo nê rakerdişî de hazir bî. Qurdeleya sure birnayene ra dime rayeraberdoxa ma Günay Darici û her di rayeraberdoxên halêndî Özgül Bendes û Gülcan İnciye meymanî halênd de çarnayî.
Cêrayişê halêndî ra dime, meymanî derbazê Markthalleye bî, ke naca hem raderdişê halêndî hem kî sergerê ma yo 25. fîraz bikerê. Na şahîye bi qesêkerdena rayeraberdoxa ma Günay Darici dest kerd ci. Dima bi nameyê Sentoyê Berlînî Senatorê Maltat û Ciwanan Sigrid Klebba yî qesê kerd û vat:
Pêyco nunerê
dezgehê verpersîyar ya întegrasîyonî B. Zurniden, verfekikê beledîyeya Friedrichshain-Kreuzgerî Urban Aykalî nunerê senkîkaya GEWye Lilo Martens, Paralamentera federale ya Partîy Çeoan Gökay Akbulut, Paskal Meiser, parlementerê eyaletê Berlînî Hakan Taşî û Partîya Keskan ra Turgut Altugî qesê kerd û piştî dê nê karan.
Na şahîye de koroyê xebatkaranên Yekmale lawikên Kurdkî û Almankî vatî. Her nîya koroyê domanan yê Kîta Pîya Weddingî bi lawikanên xo yên Kurdkî û Almankî na şahîye de ca girewt. Şahîye bi lawikan, govende û bi şamî dewam kerd.
Serdeameyiş û serkewtenên verênî yê halêndê ma, Kita Pîya Weddingî, hem derheqê amadekarîya pedagogîke de hem kî hetê eleqaya malbatan de seba nê halêndî bî bingeyêde xurt. Çêverê xo seba domanan û malbatan rakerdene ra ver, hem ca rewra amêbî girewtene û hem kî nika gelê malbatan seba sera virêndîya ma nameyê domananên xo qeyd kerd.
No halêndê ma, qatê bineyî yê banêde girsî de ro û cayê 45 domanan te de est o. Nînan ra 12 domanî hetanî 2,5 serî yê, yên bînî hetanî 6 seran ê. Beşê pitikan (domanên 2,5 seran raqijêrî) oda beşanê bînan yê kayî û çalakîya ra cîya ro. Domanên girsêrî kî tayê aktîvîteyan jubînî de tayênan kî angorê seranên xo cîya virazênê. Domanên dormeyê 5 seran de aşma Gujige ra dime dest bi kar û aktîvîteyanên halêndî ra derbazê mektebê verênî bîyene kenê.
Parkêde taybet yê nê halêndî cadeyêde bînî yê nêzdîyî xo ra est a. Domanî seba aktîvîteyanên teberî û sportî angorê bernameyê şonê naca. Her nîya, parkêde bîna taybete est a, ke domanî nê halêndî şîkîna şorê naca.
Haydarîyên Kita Pîya Kreuzbergî nîya rê:
Muskauer Straße 44, 10997 Berlin
Telefon: 03069531180
Fax: 03069531181
E-mail: kita-piya-kreuzberg@yekmal.de
Web: https://kitapiya.yekmal.de
