Yekmale wazena xebatanê xo bi hetkarîya zana û wekintoxanê derheqê Kurdkî bikero xurt. Bi nê armancî kombîyena verêne 4ê Hezîranê (roja Dişemeyî) sahate 11:00 de teba Prof. Dr. Yaron Matrasî ramê viraştene. Prof. Matras unîversîteya Manchester de xebetîno û demê xo yên wendena masterî ra hetanî nika kurdkî ser ro gelê xebat û wekintişî kerde. Juye kî nînan ra projekta çendserîye ya derheqê zaravayanê kurdkî de ra. Na projekte hêna dewam kena û Prof. Matras gelê welat û sazîyan de na projekte dano şinasnayene û raye musneno kesanê ke wazenê na projetera îstîfade bikerê.
Prof. Yaron Matras kam o?
Prof. Matras pisporê zonzanoxîya unîversîteya Manchester Brîtanya wo. Hetanî nika gelê wekintenî û xebatî zonanê cîyayan ser ro kerdê. Zonan ra ju zono ke Prof. Matras ser ro xebetîno,kurdkî yo. Nika kî bi hemkarîya gelê zonzanayoxan û wekintoxan xebatêde taybetîyî keno. Nameyê projekte “Zaravayê Kurdkî” ya.
Şima şîkînê projekte ser ro zêdêrî haydarîyan lînkê cêrênî ra bigêrê: