Grupa karkerdena Kirmanckî u Almankî seba maûpîyan teba domananê înan yê 1-6 sereyan
Projekta ma seba domanan, maûpîyan bi rengnayene, lawikan vatene û hereketan hetkarîya ravêr berdena zonan kena. Na projekte de domanên –laj û kênekî- 1-6 sereyî, maûpîyê domanan ca gênê.
Armancê projekta ma o wo, ke ravêr berdena zonê Kirmanckî/Zazakî û Almankî de hetkarîya domanan bikero, desteg bidêro ci. Xêca naye domanî şîkînê pîya kay bikerê, maûpîyî kî jubînî de qesê bikerê, jubînî ra bimusê. Seba ke domanî zonêde diyine bimusê, hem pêwistîya kompetensêde komunîkatîv û zonkîyî est a, hem kî rakerde bîyena û şîkîyena maûpîyan yê zonan est a. Perwerdeyêde dizonkî xêca naye hem şansê kulturanên bînan şinasnayene û hem kî îmkananên kompetensanên înterkulturkî musayene dano. Seba ke zonê domanan Kirmanckî û Almankî de ravêr şorê, ma bi rengnayene, lawikan vatene û hereketan hetkarîya domanan kenîme.
Rojanên Şemeyî, sahate 11:00-13:00
Verpersîyar: Lerzan JANDÎL
Ca:
Yekmal
Waldemarstr. 57, 10997 Berlin
Qata 1. , Oda civînê
(U-Bhf. Kottbusser Tor)
info@yekmal.de
Tel.: 030 / 616 25 848
BÊPERE!!!
Amayena şima ma kena kêfweş!
