Kita Pîya Wedding

Hêlîna yekemîn a bi navê Kita Pîya li taxa Weddingê, li ser Barfustrasse di sala 2014’an de hat vekirin. Ji dema hat vekirin heta niha rastî eleqeyekê mezin bûye û her sal gelek malbatên kurd û nekurd serî lê didin ku zarokên xwe bişînin wira.

Avahiya Kita Pîya Weddingê du-tebeqe ye û li ber avahiyê jî parkek piçûk heye ji bo çalakiyên derve û lîstina zarokan. Li vira, 25 zarok dikarin perwerdehiyê bigirin. Zarokên ji 3 salî piçûktir li jêr in, yên mezintir jî li jorê çalakiyên hînbûnê pêk tînin. Ji bo hinek çalakiyan jî hemû zarok bi hevra tevlî xebatan dibin. Zarokên ku ew ê salek şûnde dest bi dibistana seratayî bikin, ji meha Sibatê û pê ve li gorî bernameyeke taybet a derbasbûna dibistanê xebatan dikin. Armanca van xebatan amadekirina zarokan ji bo dibistanê ye. Her wiha, parkek mezin a taxê heye nêzîkê hêlînê ku zarok carna li gel mamosteyên xwe diçin wira ji bo hinek çalakiyan. Hêlîn saet 08:00’an vedibe û heta 16:00’an xîzmetê dide.

Agahiyên Kita Pîya Wedding wisa ne:

Navnîşan: Barfusstraße 13, 13349 Berlin
Telefona Bûroyê: 03045082694
Telefona Destê: 017652923646
E-mail kita-piya-wedding@yekmal.de