Kita Pîya Kreuzberg

Hêlîna duyemîn, piştî amadekariyên dûr û dirêj li kuçeya Muskauerstrasse ya navçeya Kreuzbergê di sala 2018’an de dest bi xizmetê kir. Serpêhatî û serkeftinên yekemîn hêlînê bûn bingehek xurt ji bo vê hêlînê hem ji aliyê amadekariyên pedagojîk hem ji aliyê eleqeya malbatan. Berî ku hêlîn deriyê xwe veke bo zarok û malbatan, hem cih ji zû ve dagirtî bûn û niha jî gelek malbatan navê zarokên xwe qeydkirine ji bo salên pêş.

Hêlîn di tebeqeya têketinê ya avahiyeke mezin de ye û cihê 45 zarokan tê de heye. Ji wan 12 zarok heta 2.5 salî ne, yên din jî heta 6 salî. Pola pitikan (zarokên 2.5 salî piçûktir) ji ode û polên din ên lîstik û çalakiyan cuda ye. Zarokên mezintir jî hinek çalakiyan bi hevra hinekan jî li gorî temenên xwe cuda pêk tînin. Zarokên dora 5 salî, ew ê piştî meha Sibatê dest bi xebat û çalakiyên amadekariyê yên derbasbûna dibistana seratayî bikin.

Parkeke taybet a vê hêlînê bi xwe heye li ser kuçeyekê din ê nêzik ku zarok li gorî bernameyekê diçin wira ji bo hinek çalakiyên derve û werzîşê. Her wiha, parkeke din a taybet heye ku zarokên vê hêlînê dikarin bikarbînin.

Agahiyên Kita Pîya Kreuzbergê wisa ne:

Navnîşan: Muskauer Straße 44, 10997 Berlin
Telefona Bûroyê: 03069531180
E-mail: kita-piya-kreuzberg@yekmal.de