لەمەودوا یەکماڵ تۆڕی بێفان بەڕێوە دەبات

ئێمە خۆشحاڵین کە لە سەرەتای ساڵی ٢٠٢٤دا هەواڵی گرنگتان پێ ڕابگەیەنین. دوای ٨ ساڵ بەڕێوەبردنی تۆڕی بێفان دەکەوێتەوە ئەستۆی یەکماڵ. ئەم بڕیارە ئەنجامی ڕێککەوتنی نێوان کۆمەڵەی کاروباری نێوکولتووری VIA، یەکێتیی خێزانە کوردستانییەکان لە ئەڵمانیا – یەکماڵ و کۆردیناسیۆنی تۆڕی بێفانە.

بەڕێوەبردنی کۆردیناسیۆنی تۆڕی بێفان لە لایەن ڕەمزیە ئویکون بەردەوام دەبێت کە لە کانوونی دووەمی ٢٠٢٤ بەدواوە لە کۆمەڵەکەمان کار دەکات. ئەمەش ئیمەیڵی نوێی تۆڕی بێفانە: befan@yekmal.de
تۆڕی بێفان لە چوارچێوەی پڕۆژەی بێفاندا، بە هاوکاریی یەکماڵ، کۆمەڵەی میترا و کۆمەڵەی VIA وەک کارێکی هاوبەش دامەزرا. بە تێپەڕبوونی کات، لە بواری سیاسەتی کۆچبەری و پەروەردەیی لە بەرلین بووەتە تۆڕێکی بەردەوام کە لە ڕێکخراوەکانی کۆچبەران، دامودەزگەی پەروەردەیی و فێرکاری، فەرمانگە تایبەتمەند و پەیوەندیدارەکان لە ئاستی ناوچەکان و سێناتدا هەروەها کاراکتەرەکانی دیکەی بواری فرەزمانی پێک دێت.

بێفان ئێستا لە ڕووی پەروەردە و فرەزمانیدا بووەتە تۆڕی پسپۆڕان لە بەرلین. تۆڕی بێفان بە شێوەیەکی چالاک بۆ پێشخستنی فرەزمانی بە شێوەیەکی دامەزراوەیی لە بواری پەروەردەدا کار دەکات و هەوڵ دەدات بەرژەوەندی و پێداویستییەکانی جڤاکە کۆچبەرەکان دیاری بکات. خەمێکی گرنگ ئەوەیە کە پسپۆڕی و ئەزموونە جیاوازەکانی جڤاکە کۆچبەرییەکان لە بواری فرەزمانیدا بخرێتە نێو سیستەمی پەروەردە.
ئێمە لە دڵەوە سپاسی هاوکارانمان لە کۆمەڵەی VIA لە بەرلین و براندنبورگ دەکەین بۆ کارەکانیان لەپێناو پێشخستنی بەردەوامی تۆڕی بێفان لە هەموو ئاستەکاندا.
لە چوارچێوەی ئەم ڕاگەیەندراوەدا، ڤیدیۆی ڕۆژی پسپۆڕیی تۆڕی بێفان -٢٠٢٣تان پێشکەش دەکەین بۆ ئەوەی لەسەر کاروباری تۆڕەکە تێگەیەشتنێکتان هەبێت.