ڕۆژی ٢٠ی دیسەمبەری ٢٠٢٣، لە شاری برێمەن چالاکییەکی پێدانی زانیاری لەسەر دەرفەتەکانی بەردەم خوێندکاران دوای تەواوکردنی قۆناغی بنەڕەتی، بەڕێوەچوو.
مامۆستای بە ئەزموون نۆرا پێتێرس سەرنجی خستە سەر بابەتەکانی EbbR، MSA و MSAGyO. ئامانجی ئەم چالاکییە پێدانی زانیاری بوو بە دایکان و باوکان، خوێندکاران و کەسانی دیکە بە تایبەت ئەو خوێندکارە کۆچبەرانەی تازە هاتوونەتە ئەڵمانیا. دەرفەت بۆ بەشداران ڕەخسێندرا کە بە زمانەکانی کوردی، تورکی، عەرەبی و ئینگلیزی پرسیارەکانیان لەو بارەیەوە بخەنەڕوو.
ئەم چالاکییە لە لایەن کۆمەڵەکەمان یەکێتیی خێزانە کوردستانییەکان لە ئەڵمانیا – یەکماڵ بە هاوکاریی KEBiK بۆ ڕوونکردنەوەی دەرفەتەکانی بواری پەروەردە ساز کرا.
