ئێمه وه‌كوو كۆمه‌ڵه‌ی خێزانه كوردستانییه‌كانی ئه‌ڵمانیا ( Yekmal e.V.) زنجیره‌چالاكیی ڕۆژانی فه‌رهه‌نگی كوردی – ٢٠٢٢ پێشكه‌ش ده‌كه‌ین.
تایبه‌تمه‌ندییه‌كی به‌رنامه‌ی ئه‌مساڵمان ئه‌وه‌یه كه له سێ هه‌رێمی ئه‌ڵمانیا (به‌رلین، نۆردهاین وێستفالن و ڕاینلاند-پفالتس) چالاكییه‌كان ڕێكخراون. وه‌كوو هه‌موو ساڵان به‌رنامه‌كانمان چالاكیی ڕه‌نگین و جۆراوجۆر له‌خۆده‌گرن و كار و خه‌باتی كۆمه‌ڵه‌كه‌مان زیاتر به‌رچاو ده‌كه‌ون. ئێمه چاوه‌ڕوانین كه به‌رنامه‌كه‌مان سه‌رنجڕاكێش بێت و به‌شداری له چالاكییه‌كاندا بكه‌ن.
چه‌ندین چالاكیی وه‌كوو سه‌مینار به كوردی و ئه‌ڵمانی، خواردنی كوردی، موزیكی كوردی، جلوبه‌رگی كوردی، نه‌ریت و زاراوه‌كانی كوردی، هونه‌ری كوردی و سه‌ركه‌وتنی كوردان له جیهانی فیلمه ناونه‌ته‌وه‌ییه‌كان پێشكه‌ش ده‌كرێن.
ئێمه به‌خۆشحاڵییه‌وه هه‌میشه چاوه‌ڕوانی پرسیار و پێشنیازه‌كانتانین؛ ده‌توانن په‌یوه‌ندیمان له‌گه‌ڵ بگرن:
ته‌له‌فۆن: 030 – 81797365
فاكس: 030 – 81797366
ئیمه‌یڵ: kurdischekulturtage@yekmal.de
به به‌شداریتان له چالاكییه‌كانمان شادمان ده‌بین.
تیمی «ڕۆژانی فه‌رهه‌نگی كوردی – ٢٠٢٢»
