ڕۆژانی ٢٣-٢٥ی ئۆکتۆبەر کۆمەڵەکەمان لە بەرلین وۆرکشۆپێکی موزیکی بۆ ژنانی جەوان کردەوە. وۆرکشۆپەکە لە لایەن هەردوو موزیکژەنی لێهاتوو بورجو یانکن و سەلدا ئۆزتورک لە گرووپی موزیکی کاردەش تورکولەر بەڕێوە برا.
لە وۆرکشۆپەکەدا کە ماوەی سێ ڕۆژ لە ناوەندی خێزانیی ڕەنگین لە بەرلین بەڕێوەچوو، ژنان کاریان لەسەر گوتنی گۆرانی بە زمانی کوردی (کورمانجی، زازاکی و سۆرانی)، ئەرمەنی، سریانی، تورکی و عەرەبی کرد.
بەشداران فێربوون کە بە چەندین شێواز سروود، دەنگبێژی، لایە لایە، گۆرانیی خۆشەویستی و گۆرانیی بەدەم کارەوە، بچڕن. جگە لە پێرفۆڕمانسی دەنگبێژی، ڕاهێنانی ڕیتمیش کرا. بەشداران گۆرانییان گوت و ئامێرە موزیکییەکانیان لێدا.
ئێمە سپاسی GLS Treuhand e.V. دەکەین کە پشتگیریی دارایی وۆرکشۆپەکەمانی کرد.
