لە چوارچێوەی ڕۆژانی کولتووری کوردیدا، ڕۆژی ١ی نیسانی ٢٠٢٤ ئاهەنگی جەژنی نەورۆز بۆ منداڵان و خێزانەکان ساز کرا. لە شارەکانی ئالتسەی، باد کرۆیتسناخ، باد زۆبەرهایم، بینگن، ئینگەلهەیم و ماینتس-ەوە زۆر خێزان بە جلوبەرگی ڕەنگینی خۆیانەوە بۆ پیرۆزکردنی جەژنی نەورۆز لە ناوەندی Quartierzentrumی شاری باد کرۆیتسناخ کۆبوونەوە.
کارمەندانی لقی ڕاینلاند پفالتس-ی یەکماڵ لەیلا کارا و گۆنوول ئۆزدەمیر گوتەی بەخێرهێنانیان پێشکەش کرد و باسی واتە و گرنگیی جەژنی نەورۆزیان کرد. هەروەها دەربارەی کار و پڕۆژەکانی یەکماڵ زانیارییان دا. گوتەی هەردوو هاوکارمان لە لایەن مامۆستای کوردی ئیلیاس ئیسەن-ەوە تەرجەمەی کوردیی کورمانجی دەکرا.
بەشێکی تایبەتی بەرنامەی ئاهەنگی نەورۆز نمایشی گرووپی گۆڤەندی منداڵان-ی یەکماڵ بوو کە توانی سەرکەوتوانە لە ڕێی گۆرانی و هەڵپەڕکێی کوردییەوە ژیانی کوردەواری پیشانی منداڵان و جەوانان بدات. دوای پێرفۆڕمانسی ڕاستەوخۆ، گرووپی گۆڤەند بە جۆشوخرۆشەوە ئەو بەرهەمانەیان پێشکەش کرد کە تا ئێستا فێری بوون. ئەمەش لە لایەن ئامادەبوانەوە بە چەپڵە پێشوازی لێ کرا.
گرووپی تەمبووری منداڵان و گرووپی تەمبووری گەورەساڵان لە بەرنامەی ئاهەنگەکەدا نەخشیان هەبوو. هەردوو گرووپەکە کلام و گۆرانیی کرمانجکی و کورمانجییان پێشکەش کرد. ئامادەبوانیش بەگەرمی پێشوازییان لێ کردن. هەر لە چوارچێوەی ئاهەنگەکەدا پێشانگەیەک بۆ بەرهەمی بەشدارانی کۆرسەکانی وێنەسازی و هونەر کرایەوە کە کۆرسەکان لە شاری بینگن سازکرابوون.
جگە لە بوفەی کراوە کە لەو خواردن و خواردنەوانە پێکهاتبوو کە خێزانەکان لەگەڵ خۆیان هێنابوویان، هەروەها موزیک و هەڵپەڕکێی سەرنجڕاکێش، خێزانەکان دەرفەتیان بۆ ڕەخسا یەکتر ببینن، یەکتر بناسن، پێکەوە قسە بکەن، گۆرانی بڵێن و هەڵپەڕکێ بکەن.
ئێمە لە دڵەوە سپاسی هەردوو کارمەندمان لەیلا و گۆنوول هەروەها هاوکار و پشتیوانەکانیان لە ناوچەکە دەکەین کە ئەم ئاهەنگە خۆش و سەرکەوتووەیان ڕێکخست. سپاسێکی گەورەش بۆ بەڕێوەبەرایەتیی ناوەندی Quartierzentrum لە شاری باد کرۆیتسناخ بۆ هاوکارییەکەیان.
بە هیوای سازکردنی ئاهەنگی دیکەی خۆش و سەرکەوتوویین!
