بیستویەکەمین کۆبوونەوەی سەرهێڵی تۆڕی کوردی ڕۆژی ١٣ی ئاداری ٢٠٢٤ بە شێوەیەکی سەرکەوتوو بەڕێوەچوو. لە کۆبوونەوەکەدا دامەزرێنەر و سەرۆکی “ناوەندی زانیاریی نەژداپەرستیی دژەکورد” جڤان ئاکبولوت بابەتێکی گرنگی پێشکەش کرد.
ئاکبولوت بەفرەوانی باسی لە لایەن و ڕەهەندە جیاوازەکانی نەژادپەرستیی دژەکورد کرد و دۆخی سەختی ژیانی کوردانی هەڵسەنگاند. جڤاکی کورد لە ساڵانی شەستەکانەوە لە ئەڵمانیا دەژی و ئێستا نەوەی سێیەم و چوارەمی لێرە نیشتەجێن، بەڵام ڕۆژانە ڕووبەڕووی هەمان ئەو هەڵاواردن و نەژادپەرستییە دەبێتەوە کە کوردان لە کوردستان ڕووبەڕووی دەبنەوە.
ناوەندەکە ڕایگەیاند، ئامانجیان ئەوەیە کار لەسەر ئەم پرسە بکەن، هۆشیاری بدەنە ڕای گشتی و زانیاری لەو بارەیەوە بڵاو بکەنەوە. هەروەها داوای بەشداری و پشتیوانی کرد لەم ئەرکە هاوبەشەدا.
کۆبوونەوەی تۆڕی کوردی و ڕۆژەڤی کۆبوونەوەکە پێشوازییەکی گەرمی لێ کرا و نزیکەی ٢٨ کەس بە پاشخانی کورد و نە کورد بەشدار بوون.
