لقی یەکماڵ لە ئێسن لەم کۆتایی ساڵەدا بە پشتگیریی بوودجەی ئینتیگراسیۆنی شاری ئێسن لە ناوەندی VielRespektZentrumê کۆرسی ئینتەرنێت بۆ منداڵان، گەورە و بەساڵاچوان دەکاتەوە.
کۆرسەکان بە ناونیشانی “گەڕان لە ئینتەرنێتدا” کە ٦ هەفتە بەردەوام دەبن، زانیاری بە بەشداران دەدەن لەسەر بژاردەکانی گەڕان و خزمەتگوزارییە بەسوودەکانی ئینتەرنێت، هەروەها سەرچاوە مەترسیدارەکانی ئینتەرنێت.
وەک هەموو ئۆفەرەکانی دیکەی گرووپەکان، کۆرسەکانی ئینتەرنێت لە کەشوهەوایەکی هێواشی فێربووندا، کرانەوە بە ڕووی فرەکولتووریدا و هەروەها لە ئاستی سەرەتاییدا پێشکەش دەکرێن.
