Şaxa me ya Yekmalê li Mainzê Cejna Gaxanê pîroz kir

Di 21ê Berfanbara 2023an de, şaxa me ya Yekmalê li Mainzê Cejna kevneşopî ya Gaxanê bi malbatên ji Mainz û derdorê re pîroz kir.

Kevneşopiyên çanda Kurd-Elewî, merasîm û hîkmeta Gaxanê bi awayê şanogeriyê ji aliyê zarokên me bi kirmanckî, kurmancî û almanî hatin vegotin. Zarokên me mal bi mal (li vir mase bi mase) geriyan û bi şanoyên kurt hûrgiliyên cejna Gaxanê nîşan dan.

Piştî vegotina dîrokî ya girîngiya civakî, xwezayî û çandî ya Gaxanê, çend zarokên me bi cil û bergên taybet pevçûna biken û xweş a sersalê ya di navbera Kal Gaxan û Fadikê de pêşkêş kirin. Şeva Gaxanê bi performansa Koma Govendê ya Yekmalê û xwarina hevpar bi dawî bû.

Gelek spas ji bo herdû modêratorên me Lokman Turgut û Ercan Ayboga ji bo organîzekirin û rêvebirina şahiyê. Herweha gelek spas ji bo zarokên me ku bi rastî pir baş lîstin.

“Gaxan” peyveke bi kirmanckî û kurmancî ye, ji wê mehê re tê gotin ku ji 21ê Berfanbarê dest pê dike û 20ê Çileyê diqede. Ji ber vê yekê meriv dikare bibêje Gaxan meha yekem a zivistanê ye. Cejna Gaxanê ji aliyê kurdên Elewî ve tê pîrozkirin.

Gaxan amo, xêr amo. Gaxano şima bimbarek bo!