Beşdariya Yekmalê di kargeha BIKuMiGê

Di 17ê Tebaxa 2024an de, Şaxa Yekmalê ya Bremenê li Zanîngeha Bremenê beşdarî kargeha projeya BIKuMiG (Însiyatîfa perwerdehiyê ji bo parastin û veguheztina sermaye ya çandî di civaka koçber de) bû.

Armanca BIKuMiG ewe ku angebotên perwerdehiya çandî yên rêxistinên koçber li Bremen û Bremerhaven tomar bike û derbarê hevkariya wan bi dibistanan re lêkolînê bike û dijwariyên li pêşiya xebatên komeleyan werin derbaskirin. Tê hêvîkirin ku ev projeya sê-salî ya di Rêbendana 2024an de dest pê kir, bibe alîkar ji bo naskirin û piştgirîkirina sermaye ya çandî ya civakên koçber.

Di çarçoveya kargehê de ku gelek aktorên ji rêveberiya bajar, rayedarên perwerdehiyê, xebatên navçe û qadên din ên têkildar hatin cem hev, nûnera Yekmalê axaftinek sereke pêşkêş kir. Me bal kişand ser angebotên xwe yên cihêreng ji bo zarok, ciwan û malbatan. Herweha me tekez li ser giringiya xebatên perwerdehiya çandî ji bo civakek berfireh kir. Ev axaftin di çarçoveya danûstandineke berfireh de pêk hat tevî axaftin û gotûbêjên din.

Kargeh bû derfetek da ku em di “Bazara Derfetan” de xebatên xwe pêşkêş bikin. Li wir me karî bi komele û dezgehên din re torbendî bikin û çareseriyên hevpar ji bo pirsgirêkên heyî pev biguhezînin. Ev bername gavek giring bû ji bo ku em perspektîf û ezmûnên xwe bigihînin gotûbêja derbarê perwerdehiya çandî û beşdariya di civaka koçber de ya di navbera zanist û pratîkê de.