تۆڕی بێفان (پەروەردە، دایک و باوک، خێزان، دراوسێیەتی) تۆڕێکی پسپۆڕە لەسەر ئاستی هەرێمی بەرلین کە ساڵی ٢٠١٤ لە چوارچێوەی پڕۆژەی "بێفان"دا دامەزراوە. ئەم دەستپێشخەرییە کارێکی هاوبەش بوو لە نێوان یەکێتیی خێزانە کوردستانییەکان لە ئەڵمانیا - یەکماڵ، ڕێکخراوی MITRA e.V. و ئەنجومەنی VIA-Regionalverband. دوای تەواوبوونی پڕۆژەکە لە ساڵی ٢٠١٦دا، ئەم کارە لە چوارچێوەی تۆڕدا بەردەوامی پێدرا و هەتا ساڵی ٢٠٢٣ بەرپرسایەتیی ڕێکخەری تۆڕەکە لای ئەنجومەنی "Verband für Interkulturelle Arbeit (VIA) Regionalverband Berlin/Brandenburg e.V." بوو.
لە ماوەی چەند ساڵێکدا، تۆڕی بێفان لە بواری سیاسەتی کۆچبەری و پەروەردەییدا وەک لایەنێکی گرنگ لە بەرلین گەشەی کرد. تۆڕەکە لە ڕێکخراوەکانی کۆچبەران، دامودەزگە پەروەردەیی و فێرکارییەکان، پسپۆڕانی تایبەتمەند و لایەنە پێوەندیدارەکان لەسەر ئاستی بەڕێوەبەرایەتیی ناوچەیی و سێنات، هەروەها لایەنەکانی دیکەی بواری فرەزمانی پێکهاتووە. بێفان لە بواری پەروەردە و فرەزمانیدا بووەتە تۆڕێکی تایبەتمەند لە بەرلین. بەشێوەیەکی چالاک بۆ جێگیرکردنی فرەزمانی لە دامودەزگەکانی پەروەردەدا کار دەکات. هەوڵ دەدات ویست و پێویستییەکانی جڤاکە کۆچبەرەکان بخاتەڕوو. یەکێک لە خەمە سەرەکییەکانی تۆڕی بێفان ئەوەیە، پسپۆڕی و ئەزموونە جیاوازەکانی جڤاکە کۆچبەرەکان لە ڕووی فرەزمانییەوە، لە سیستەمی پەروەردەدا ڕەنگ بداتەوە.
ئامانجەکانی تۆڕی بێفان:
پێوەندی
Schönleinstraße 23, 10967 Berlin
Tel.: 030 81 79 73 65
Fax: 030 81 79 73 66
E-Mail: befan@yekmal.de
Instagram: @befannetzwerk
Facebook: @befannetzwerk
ئیڤێنتەکە کە لە لایەن تۆڕی بێفان ڕێکخرابوو، پێشوازییەکی گەرمی لێکرا. نزیکەی ١٠٠ کەس بەشدار بوون کە لەنێویاندا نوێنەرانی زارۆخانەکان، ڕێکخراوەکانی کۆچبەران، بەرپرسانی حکوومەت لەسەر ئاستی ناوچەکان و هەرێمی بەرلین هەروەها پسپۆڕانی پێوەندیدار هەبوون.
بەشداران لە سێ ژووری سەرهێڵدا، بە شێوەیەکی چڕ گفتوگۆیان لەسەر ڕۆڵی تۆڕی بێفان وەک تۆڕێکی نێوانگیر کرد.
بۆ ئەمساڵ پلانی ٦ کۆبوونەوەمان هەیە کە هەموویان ڕۆژانی پێنجشەممە کاتژمێر ١٣-١٥ بە شێوەی سەرهێڵ بەڕێوە دەچن.
تۆڕی بێفان ئێستا لە بواری پەروەردە و فرەزمانیدا بووەتە تۆڕێکی پسپۆڕ لە بەرلین.
بابەتی سەرەکیی کۆبوونەوەکە ئامادەکارییەکان بۆ ڕۆژی پسپۆڕی بوو کە لە ٢٦ی ئەیلوول بە درووشمی “پاراستنی فرەڕەنگی و پێشخستنی فرەزمانی لە ڕێی بەشداری و تۆڕبەندی لە فێرگە، زارۆخانە و خێزاندا” بە شێوەیەکی سەرهێڵ بەڕێوە دەچێت.
